Game Of Thrones - Big Brother Albania, Kosova dhe Ferma

Këtë sezon të ri televiziv duket se tre prej programeve më të njohura në televizionet shqiptare priten të “përballen” me njëra-tjetrën. BB VIP Albania dhe BB VIP Kosova u është shtuar dhe Ferma VIP, e cila flitet se do të jetë programi i parë që fillon sezonin duke pasur premierën në tetor. Javë më pas, BB VIP Kosova mendohet të fillojë sezonin e ri, pasuar nga BB Albania në dhjetor. Po kush do të ketë më shumë shikues? Më e bukura është që, sado të suksesshme, të treja programet nuk ndikojnë tek njëra-tjetra. Big Brother Kosova varet nga audienca në Kosovë dhe diaspora e Kosovës. Big Brother Albania varet nga audienca në Shqipëri dhe diaspora e Shqipërisë.

E pavarësisht se “marrin e japin” nga audienca e njëri-tjetrit, shifrat nuk ndikojnë tek rezultatet përfundimtare. Big Brother Albania vazhdon të jetë më i shikuari, falë jo vetëm personazheve VIP që arrin të sigurojë, por dhe panelit të gjykuesve e prezantimit të Ledionit, i cili padyshim është shndërruar në një pjesë të rëndësishme të këtij spektakli. Në anën tjetër, Big Brother Kosova, falë diasporës arrin shifrat më të larta në platforma si YouTube. Përsa i përket Ferma VIP, nuk besoj se shihet si konkurrent nga BB, por pas suksesit të edicionit të fundit, është një program që organizatorët padyshim e kanë në “mbikëqyrje”.

E këtë vit Ferma VIP duhet të provojë nëse

suksesi i fundit ishte thjesht fat apo rezultat i 

një pune të realizuar mirë. E nëse në këtë 

“lojë fronesh” do duhej të përcaktonim një 

fitues, Big Brother Albaniavazhdon të sundojë. 

Jo vetëm në audiencë,por dhe si programi më 

i ndjekur në historinë e televizionit shqiptar në

të dyja anët e kufirit.

Albanyac.com