10 Kenget me te mira te 2019 sipas Albaniac

Dhurata Dora

Teksa pergjate dhjetvjecarit, kengetaret shqiptare u munduan ti pershtaten cdo ritmi te njohur ne bote nga India e deri ne cepin e fundit te Amerikes jugore; Kete vit ata u kthyen ne shtepi. E mbyllen kete dhjetvjecar me me shume ritme shqiptare ne muziken e tyre se ne te gjithe dhjete vitet e marra se bashku. Jo se me pare nuk eshte pare dicka e tille, por ka qene me teper nje huazim nga ritmet folklorike, shpesh here te bastarduara nen ritmet pop dhe elektronik per te ju pershtatur publikut te klubeve. Nderkohe, muzika e ketij viti eshte cilesore, e kulturuar dhe ritmin shqiptar e sjell te perpunuar, te pershtatur dhe te kendshem per publikun. Me ne fund, kuptuan se te jesh i suksesshem ne kete bote, duhet te jesh vetja, e ne nje treg nderkombetar, perpara se te jesh amerikan, anglez, italian, spanjoll, indian e francez, ji shqiptar.

Kenga e vitit - Dhurata Dora dhe Soolking - Zemer

Dhurata Dora ka vite qe sjell kenge te bukura ne treg, duke gezuar nje sukses tek grupmoshat e reja ne te gjitha anet e kufirit. Bashkpunimi i saj i fundit me algjerianin Soolking i ka sjelle 355 milion klikime ne YouTube per kengen "Zemer" e cila u shnderrua nga nje hit i sezonit ne nje hit te vitit. Ajo eshte kengetarja e pare shqiptare qe prej Era Istrefit e cila arrin kete numer klikimesh dhe sukses jashte vendit me nje kenge ne shqip. Me kenge te reja, qe priten te publikohen se shpejti, Dhurata Dora eshte kengetarja e rradhes qe ulet ne fronin e muzikes pop shqip.