Ju prezantojmë me Gojardi

Gojardi është një artist i ri italian me origjinë shqiptare i cili prej disa vitesh aktivizohet në skenën “underground” të muzikës italiane. Ka një zë fantastik dhe disa bashkëpunime që nuk duhet t’i lini pa i dëgjuar. Në fund të tetorit ai ka qënë në Tiranë, po mendojmë për vizitë, por sikur të bënte dhe ndonjë këngë apo bashkëpunim shqip, super do ishte! E themi, sepse në këngët e tij ka kënduar dhe një apo dy vargje shqip. Këngët e Gojardi_t përbëhen nga një ritëm afrobeat, rrep dhe folk  të cilat nxjerrin në pah zërin e tij harmonik. Kjo vihet re edhe më mirë në duetet e tij me Sina Tekle, të cilat janë super! Ne së bashku me disa prej këngëve të tij më të mira po ju sjellim dhe dy interpretime live të cilat sinqerisht janë më të mira se versioni i studios; Njw harmoni dhe kombimin i shkëlqyer. Nëse në vizitën e ardhëshme në Tiranë mban ndonjë koncert dhome, ne do të jemi aty! Vazhdoni të na lexoni se jemi të sigurtë që në një vit a dy, emri tij do të jetë shumë herë më i njohur për publikun. Thjesht çëshje promovimi dhe përzgjedhja e një hiti. Suksese shqipe!