Noizy sjell “Alpha Show” në Athinë.

Të shtunën në Athinë (Greqi), Noizy ka sjellë ”Alpha Show” në SUNEL Arena. Në eventin me një kapacitet prej 10 mijë spektatorësh, Noizy ka kënduar hitet më të mira të karrierës së tij dhe ka ftuar në skenë një sërë artistësh të njohur me të cilët ka bashkëpunuar. Loredana, Varrosi, Stresi, Light, Elai, Era Istrefi, Duda, Claydee dhe Dj Bert kanë qënë të ftuarit në “Alpha Show” të cilët kanë dhuruar një spektakël të vërtetë. Kjo është hera e parë që një artist shqiptar realizon një koncert të këtyre përmasave në shtetin fqinj, suksesi i të cilit mund të jetë dhe një ogur i mirë për shumë artistë të tjerë vendas që kërkojnë shtrirjen e aktivitetit të tyre përtej kufijve. Pas Elvanës në Gjermani, Noizy në Greqi dhe festivaleve shqiptare përgjatë verës në Zvicër, duket se artistët tanë janë gati për një audiencë më të madhe se ajo e klubeve. Pas shumë viteve karrierë, është mëse e merituar.