Rina Lipa në kinematografi

 

Rina Lipa, pas karrierës si modele (GCDS, Versace, Miu Miu etj.), duket se po gjen veten në kinematografi. Pas realizimit të dy filmave me metrazh të shkurtër, Rina debutoi këtë vit në ekranin e gjerë me filmin “A Gangster’s Wife”. Ndërkohë, sapo ka përfunduar edhe xhirimet e filmit “Expectations”, përkrah Colin Ferguson dhe Samuel Arnold. Një tjetër projekt personal, “Weight of Ribbons”, është paralajmëruar në Instagramin e saj, por pa dhënë detaje. Shumë kanë aluduar se mund të jetë një këngë, por mungesa e saj në Spotify e hedh poshtë këtë teori, çka na bën të mendojmë se është një film i shkurtër artistik.