flora cash me një Ep të re - The Power

 

flora cash – është një duo e përbërë nga Cole Randall (Amerikë) dhe Shpresa Lleshaj (Kosovë). Partnerë si në profesion, ashtu edhe në jetë, Shpresa dhe Cole u njohën nëpërmjet SoundCloud, ku filluan bashkëpunimin muzikor dhe nga ku më pas do të krijohej flora cash. Duoja, e bazuar në Suedi, arriti sukses ndërkombëtar me këngën “You’re Somebody Else”, e cila u shndërrua në një prej kolonave zanore më të preferuara në televizione. Ajo do të dëgjohej në seriale të tilla si “The Good Doctor”, “Locke & Key”, “The Blacklist”, etj. Kënga ka marrë statusin Platinum në Amerikë, Kanada, Australi, Francë, etj.

“The Power”, EP-ja më e re nga flora cash, publikohet më 20 shkurt dhe mund ta porosisni në Spotify.