A është Riki next?

 

Brenda një viti, Riki ka publikuar rreth 15 videokëngë, çka e vendos atë në kategorinë e artistëve më prodhimtarë të momentit në Shqipëri. Ai i ka të gjitha premisat për të qenë një popstar i ardhshëm në tregun tonë: zërin, edukimin muzikor, pamjen, mbështetjen nga 360 Media dhe… një album të ri, i cili titullohet “Prej zemre”.

Në këtë album kuptohet qartë që Riki është një “old soul”, çka krijon disi një problem në perceptimin tek dëgjuesit e brezit të tij. Pavarësisht krijimtarisë së larmishme, Rikit ende i mungon ai hiti që do e bëjë emër shtëpiak.

E teksa albumi ka këngë të bukura, ai hit nuk gjendet në të. “Pyetjen e kom”, “Mos m’thirrni”, “Harroje” dhe “Me dasht ti” janë këngët më të spikatura nga ky album.