Letskillua - albumi i ri "BrrBrr"

 

Një numër rekord prej 18 këngësh përfshihen në albumin e ri “BrrBrr” të Letskillua. Ky është albumi i tij i dytë pas “Rrno për me tregu” (2022), ndërsa ka publikuar dhe një EP “Metamorfozë” në 2023. Është një album i realizuar mirë si lirikisht, ashtu edhe muzikalisht, me elemente hyperpop, trap, digicore e pluggnb që përcjellin një ndjenjë futuristike, por pa lënë pas edhe rimat old school dhe tekstet gangsta rap.

Në fakt, ky është një ndryshim i Letskillua-s që vihet re në këtë album. I njohur për tekste sociale, në “BrrBrr” vihet re një kalim në gangsta rap dhe street bravado, por i bërë me finesë nëpërmjet vargjeve ironike, me humor e shpesh herë “dark”. Tekstet gjithmonë kanë qenë ana më e fortë e tij, por në këtë album edhe muzikalisht ai është (lets)kill(ua)in it! :P

Kur thotë:

“Ti nuk je Toni, je Hana Montana” hhahahhahahahahaha LOOOOT

“Unë e kam pështy atë diplomë / heronjtë e mi shesin coke”

“E din që veshesh shtrenjtë, veç se shitesh lirë”

“Nuk i du ata që të vërtetës i japin nuancë”

“Coke i kam shit unë Edrit e Stefit / me ato lekë e bleva unë benzinë…”

këto janë vetëm disa nga vargjet që na vijnë momentalisht ndërmend, por lirikisht Letskillua u ka lënë mbrapa të gjithëve me këtë album. Phewww!

“Jakup Ferri”, “Go Go Get It”, “Zizek”, “Ujku do mjegull”, “Vera kur vjen” janë disa prej më të preferuarave tona.