Shqiptarët, të parët në botë për lajme

 

Që shqiptarët mbarojnë për lajmet, këtë e dimë. Por që të ishin ndër popujt më të interesuar në botë? Ja, edhe këtë e mësuam.

Në Shqipëri sot operojnë gjithsej rreth 13 kanale televizive që transmetojnë vetëm lajme 24/7, duke e renditur vendin tonë të pestin në botë për numrin e kanaleve të lajmeve dhe të parin për raportin me popullsinë.

Shqipëria renditet e para në botë me një stacion televiziv lajmesh për çdo 185 mijë banorë, e ndjekur nga Turqia me një stacion lajmesh për çdo 2.9 milionë banorë.

Me kaq informacion, do të mendoje se do t'i kishim rregulluar disa gjëra. Por duket se për ne vlen më shumë ajo shprehja: "Shumë informacion është diçka e rrezikshme."

India: 340+ kanale

Rusia: 30+ kanale

Turqia: 30+ kanale

Kina: 25+ kanale

Shqipëria: 13+ kanale

Franca: 8+ kanale

Italia: 8+ kanale

Polonia: 8+ kanale

Amerika: 7+ kanale

Rumania: 6+ kanale

P.S. Statistikat janë bazuar vetëm në kanale televizive tradicionale (tokësore, kabllore dhe satelitore), duke përjashtuar platformat live streaming, si edhe kanalet e specializuara për sport, biznes, mot apo fusha të tjera. Janë marrë në konsideratë vetëm kanalet që transmetojnë lajme të përgjithshme 24/7.