Brea - Don’t Wanna Wait EP

 

Ky është albumi debutues i Brea i cili përmban pesë këngë në anglisht dhe sipas këngëtares është fillimi i diçkaje akoma më të madhe. Albumi është regjistruar në Only Studios të Nju Jorkut dhe mban firmën e producentit Pat Kelly i cili ka bashkëpunuar me artistë të tillë si Ashanti, H.E.R, Chloe Bailey etj. Albumi i përket rrymës pop ndërthurur me ritme R&B dhe është një album i mirë debutues i cili sjell në 2024 ritmet popullore të fillimviteve 2000 kur muzika pop ishte në kulmin e suksesit të saj. Një përzgjedhje e gjetur, sidomos në këtë periudhë kur pop po kryeson toplistat dhe ritmet e 2000-2010 po rikthehen në treg. Të gjitha këngët janë të kapshme dhe premtuese, por ne do të veçonim No Negative dhe Fall Apart. Me një remiks cilësor dhe një ripërpunim të vogël No Negative mund të shndërrohej në një këng hit. Suksese!