Melinda Ademi këtë vit debuton me albumin “Bad Diva”

Këngëtarja Melinda Ademi mund të jetë një prej këngëtareve më të njohura në tregun shqip, me një aktivizim prej afro dhjetë vjetësh, por…ajo asnjëherë nuk ka publikuar një album. Këtë vit kjo gjë do të ndryshojë. Melinda ka bërë të ditur se është në studio për regjistrimin e albumit debutues i cili titullohet “Bad Diva”. Kënga e parë që solli Melindën në treg titullohet “Purr” publikuar në 2015 dhe që prej asaj kohe ajo është shndërruar dalë ngadalë në një prej këngëtareve më popullore në vend. Në 2024 kënga e saj “ Alkool“ me Finem ishte e dyta në listën e këngëve shqip më të ndjekura në YouTube me 51.4m shikime. Diçka që shumë vetë harrojnë është që Melinda ka prej zërave më të fuqishëm në vend, të cilin nuk dimë përse nuk e përdor në këngët e saja por shpresojmë që me albumin e ri kjo gjë të ndryshoj.  Duhet të paktën të publikoj një power ballad!“Eci”, bashkëpunimi i saj me Lumi B publikuar këto ditë është singla e parë nga ky album.