Kosova - Ja kush e pengon për në Eurovision

 

Prej vitesh të gjithë presin me padurim pjesëmarrjen e Kosovës në Eurovision, por duket se kjo ditë është akoma e largët. Faji për këtë nuk qëndron tek pala shqiptare, por tek 12 shtete të cilat kundërshtojnë dhe abstenojnë pjesëmarrjen e Kosovës, për arsye politike.

Që Kosova të marrë pjesë në Eurovision, së pari duhet të pranohet si anëtare e EBU. Që të jesh anëtar i EBU, së pari duhet të jesh anëtar i ITU dhe Council of Europe. Që të jesh anëtar i ITU, duhet të jesh më parë anëtar i OKB-së (çka Kosova nuk është ende).

Pavarësisht se ka aplikuar për 12 vjetë radhazi të jetë pjesë e Council of Europe, anëtarësimi i Kosovës është bllokuar nga disa shtete. Mospranimi në këto dy organizata bën që Kosova mos të marrë pjesë në Eurovision.

Kush janë shtetet që bllokojnë dhe abstenojnë anëtarësimin e Kosovës? Ja lista:

Serbia, Spanja, Qipro, Azerbajxhani, Gjeorgjia, Hungaria, Rumania, Greqia, Sllovakia, Ukraina, Moldova, Bosnja dhe Hercegovina.

Eurovision 2026 mbahet më datat 12, 14 dhe 18 maj në Vjenë, Austri.

Nuk ju themi dot kë të votoni, por kë MOS të votoni, ja ku i keni.