Bebe Rexha gets EXTRA DIRTY

Pas një dekade bashkëpunimi dhe tre albumeve, Bebe Rexha është ndarë nga Warner Records. Albumi i saj i ri do të publikohet nga shtëpia e pavarur diskografike Empire.

Këngëtarja ka zbuluar edhe titullin e këngës së parë nga ky projekt, e cila do të quhet “Extra Dirty”, ndonëse data e publikimit ende nuk është konfirmuar.

Albumi i ri pritet të sjellë një Bebe më të pavarur artistikisht dhe një rikthim te fillimet e saja muzikore. Gati nëntë tituj si “New Religion”, “Sick & Tired”, “Type$hit”, “Freak Inside”, etj., përfliten se do të jenë pjesë e albumit, por asgjë nuk është zyrtarizuar ende.

Në rrjetet sociale, këngëtarja ka postuar vazhdimisht fragmente vizuale, të cilat mendohet se janë shkëputur nga videoklipi i këngës së re.

Empire është njëkohësisht shtëpia diskografike e Shaboozey (“A Bar Song – Tipsy”), i cili së bashku me Bebe Rexhën (“Meant To Be”) mbajnë dy nga këngët country më të suksesshme të dekadës së fundit.

Një bashkëpunim mes tyre? Do të ishte nona!