Kërkohet Luana Vjollca

 

Dyshja Olsi Bylyku dhe Nik Xhelilaj rikthehen në ekranin e kinemasë me “Policë për jetë” (sekuel i të suksesshmit “Policë për kokë”). Këtë herë janë në kërkim të Lunës, personazhit të interpretuar nga Luana Vjollca, e cila vjen si një femme fatale që jo vetëm është seksi, por di edhe të godasë mjaft mirë.

Kjo është, me sa mbajmë mend, hera e parë që shikojmë një aktore në një rol aksion dhe, të paktën nga reklama, duket se Luana i është përshtatur shumë mirë rolit. Filmi, me regji të Aldo Markut, pritet të dalë në ekranet e kinemasë së shpejti.