Ku mbeti rroku?

Që në fillim të viteve ’90, muzika rrok ka qenë zhanri më i preferuar në tregun muzikor shqiptar. Grupet dhe këngëtarët e parë më të njohur në Shqipëri i përkisnin pikërisht këtij zhanri. Paralelisht me tregun botëror, fillimet e viteve 2000 do të popullarizonin në Shqipëri rrokun alternativ, ku grupe si Gjurmët, Asgjë Sikur Dielli, Jericho, Blla Blla Blla, Gillespie, Burn, End, Sansara, PinkMetal, Retrovizorja, Grupi Lynx, Eho, The Freelancers, Bojken Lako, e shumë e shumë të tjerë, ringjallën një treg që dukej sikur po humbiste.

Në vitin 2026? Muzika rrok është në krizë. Më së shumti mbahet nga emrat e njohur të skenës, por talentet e reja i mungojnë qartazi. Niki Zimi dhe banda e tij, Hawolf, Nomad, The Milk Snatchers, Rool etj., bëjnë një punë të mirë e kanë këngë të bukura, por skena në përgjithësi është shumë e vakët.

Personalisht mendoj se jo vetëm në Shqipe, por edhe në botë, ndoshta “perëndimi” i rrokut qëndron te fakti që e marrin shumë seriozisht gjithçka, dhe kjo mund të “dhembi” pak me u thënë… por përtojnë shumë. Artistët rrok kanë promovimin më të dobët nga çdo zhanër tjetër. Janë më pak të pranueshëm në klikën e tyre dhe disi më paragjykues. Atë që duhet të jetë muzikë, e kthejnë në një stil jetese 24/7. I tillë ishte dhe repi derisa “kuptoi” që duhej të dilte jashtë kornizave dhe u bë muzika më e dëgjuar në botë.

Është viti 2026. Have fun! Po postoj “Engjëll” nga End, sepse FIKSIM! The Smashing Pumpkins would be proud