Policë për jetë – Përshtypje

Policë për Jetë ribashkon Xhinon dhe Maksimilianin, këtë herë në misionin për të gjetur një orë e cila i vidhet kryeprokurorit të Shqipërisë gjatë një mbrëmjeje. Vija e filmit është e thjeshtë dhe nuk do shumë për t’u kuptuar se çfarë drejtimi do të marrë filmi, por skenari i mirë dhe trupa e aktorëve nuk e lënë që të bëhet monoton.

Filmi ka një trup aktorësh që kombinojnë shumë mirë me njëri-tjetrin. Aleksandër Grami përshtatet shumë mirë me Olsi Bylykun, Olsi me Nik Xhelilaj dhe Nik Xhelilaj me Luana Vjollcën duke bërë që filmi të përcillet shumë natyrshëm dhe besueshëm. Mbi të gjitha më pëlqeu që çdo personazh kishte një pjesë të mjaftueshme dialogu për “të shkëlqyer” dhe nuk vendosej fokusi vetëm tek dy personazhet kryesorë.

Unë për Luanën shkova dhe nuk më zhgënjeu. Nuk di pse njerëzit kanë qejf t’i kundërvihen për çdo gjë, por në këtë film si e para aktore “action star” në Shqipe, bën një punë shumë të mirë. Normale që në çdo skenë Luana shfaqet seksi, dmth… ky është brendi i saj, por funksionon. Dhe kur bën si e fortë, nuk është e ekzagjeruar, por tipike e vajzave shqiptare. Skenat me aksion dhe kërcimet e flirtimet me Nikun janë gjithashtu të realizuara shumë mirë. Ore, se nuk po flasim për filma Oskar, po flasim për një komedi dëfryese e në këtë aspekt është një prodhim shumë i mirë dhe komercialisht i barabartë me prodhimet e tregut ndërkombëtar.

Filmi ka shumë batuta dhe aksion, e në sallë u prit mjaft mirë.

Desha me përmend këtu; fiksim ai boti në pyll me këpucë Louboutin. Dmth loooooot!

Ahhh dhe ajo skena me Rexhepin lol.

U duk shumë personale hahahhahaa LOT!

Dmth, shkoni shikojeni se ja vlen. 100 herë më mire se ato idiotlliqet e Netflix .