Don Xhoni debuton në vendin e 9-të të Spotify Global

 

Don Xhoni ka arritur një moment historik në karrierën e tij duke u bërë (me aq sa është e regjistruar) i pari artist shqiptar i cili arrin të debutojë në "Spotify Top Albums Global Debut Top 10" (dhjetë albumet debutuese më të mira të javës në nivel global). Albumi i tij i ri, “100%”, këtë javë debutoi në vendin e nëntë të këtij klasifikimi. Falë hiteve të mëparshme, por dhe hiteve të reja që gjenden në këtë album, si "Obsession" dhe "100%", ky album ka arritur të sigurojë mbi 25 milionë dëgjime në platformën e Spotify.