Venera Lumani dhe Lind Islami “U rrit zemra” - Dëgjoje këtu

Venera Lumani dhe Lind Islami kanë publikuar të dielën EP “U rrit zemra” në të cilin përshihen tre këngë. Ato titullohen “Mezi pres”, “Mos më Pyet” dhe “Prap më puthi”. Duoja dhe në këtë EP i ka qëndruar besnikë ritmeve të tyre harmonikë dhe pozitivë. Është një përmbledhje e këndshme këngësh e cila fillon me një ninullë “Mezi pres” e cila nga pamja e fundit në video duket se sjell një mesazh nga çifti? “Mos më pyet” është një këngë tipike e lehtë shqiptare dhe harmonitë e zërave të tyre përcjellin një ndjenjë gëzimi që të përgatit për këngën e fundit “Prap më puthi”. Këngë e cila do të ju bëjë të kërceni. Duket qartë që me këtë EP Venera dhe Lindi duan të prezantohen sa më pastër artistikisht dhe sa më larg tendencave të tregut komercial. Një formulë që për ta ka funksionuar me sukses që prej fillimit dhe vazhdon edhe me  “U rrit zemra”.