Dua Lipa e vetmja shqiptare në MTV EMA

Për vite me rradhë artistë shqiptarë janë nominuar dhe kanë fituar në kategoritë e ndryshme të MTV EMA. Loredana, Rita,Dua, Bebe, Ava, Ermal Meta, Gjon’s Tears etj janë ngjitur në skenën e ceremonisë më të  njohur të çmimeve muzikore në Europë për të marrë statujën fituese. Këtë vit, kjo ka ndryshuar dukshëm. Jo vetëm që nuk ka shqiptarë të nominuar në kategoritë kryesore, por as në kategoritë e shteteve. E vetmja përfaqsuese mbetet Dua Lipa me dy nominime; Best Pop, Best UK & Ireland. Pak zhgënjyese, duke konsideruar që albuim i ri i Duas ishte cilësor. Gjithsesi MTV EMA, pavarsisht se “përqëndrohet” dhe mbahet ne Europe, veç emrin ka të tillë. Nominimet, ndryshe nga simotrat amerikane, aziatike etj, prekin të gjitha kontinentet dhe në mënyrë kategorike evitojnë pjesën më të madhe të tregut muzikor europiano-lindor. Po si tha ai…le ti mbajnë për vete kemi tonat ne.

MTV EMA (MTV Europe Music Awards) mbahet këtë vit në Manchester, UK më 10 nëndor. Raye, The Warning, Benson Boone, Shawn Mendes dhe Teddy Swims janë të ftuarit përformues.