25 këngët më të mira në historinë e festivalit Kënga Magjike

Festivali Kënga Magjike, edicionin e tij të parë e mbajti në vitin 1999. Numëron me qindra pjesmarrës e konkurentë në edicionet e tij ku janë shpallur gjithsej 23 fitues (vende të para). Pothuajse çdo këngëtar i njohur i muzikës shqiptare ka marrë pjesë në këtë festival, i cili jo vetëm ka sjellë disa prej hiteve më të mira të muzikës shqip, por dhe ju ka hapur rrugën shumë artistëve të rinj, të cilët sot janë disa prej emrave më të njohur të muzikës sonë. Me rastin e afrimit të netëve finale të edicionit të fundit, ne vendosëm të përzgjidhnim këngët tona të preferuara në vite. 25 këngët më të mira të këtij festivali sipas Albanyac. Si u përzgjodh kjo listë? Ne bashkëpunuam me Akademine e Arteve, TOB dhe Ministrinë e Arsimit si dhe me kompozitorë e artistë të njohur. Gjithashtu dhe me naltmadhnitë e TikTok, Instagram e YouTube hahahahahaha. Po, të mushme. Shumë thjeshtë. Duke qënë ndjekës të rregullt të festivalit, vendosëm në listë këngë të cilat bënë bujë në edicionet e tyre, këngë të cilat vazhdojnë të dëgjohen e këngë që ndikuan në tregun muzikor shqiptar në ato vite e më pas. Kemi përfshirë në listë dhe këngë/artistë të cilët festivali vetë i la jashtë klasifikimit, por që për ne meritonin shumë më shumë. Që mos të kapemi prej flokësh, është një listë me këngë që NEVE në Albanyac na kanë pëlqyer nga edicionet e këtij festivali, nuk ka të bëj me studime shkencore, por këngë që kur përmendet Kënga Magjike, na vijnë në mëndje dhe për ne janë pak a shumë definicioni i këtij festivali muzikalisht.