Kur PJ Harvey i këndoi Kosovës

 

Në 2015, teksa përgatitej për realizimin e albumit të ri “The Hope Six Demolition Project”, PJ Harvey vizitoi Kosovën, nga ku mori dhe një pjesë të frymëzimit për këngët e këtij albumi. I nominuar për Best Alternative Music Album në edicionin e 59-të të Grammy dhe një prej albumeve më të mira të 2016-ës, ky album përmban edhe këngën “The Wheel”, e cila i dedikohet dhe është xhiruar në Kosovë. PJ Harvey është një artiste angleze e cila konsiderohet si një prej artisteve alternative më të mira në botë të 30 viteve të fundit. “Down By The Water”, “Good Fortune”, “Man Size”, “Send His Love To Me” janë disa prej hiteve më të njohura të këngëtares.