Instalacioni më jetëgjatë në Galerinë Kombëtare
Rikonstruksioni i Galerisë Kombëtare të Arteve mund të jetë, me pak ironi, instalacioni më jetëgjatë i ekspozuar ndonjëherë në këtë institucion.
Punimet nisën në fund të vitit 2021 dhe, gati pesë vite më vonë, galeria ende nuk është rikthyer te publiku. Në shkurt 2025 u njoftua se punimet kishin arritur rreth 40% dhe se hapja pritej në fillim të vitit 2026. Sot jemi në gusht dhe ajo datë ka kaluar.
Megjithatë, ka një detaj që mund të na bëjë optimistë. Në faqen e Galerisë Kombëtare janë publikuar së fundmi njoftime për vende të reja pune, çka mund të jetë një sinjal se institucioni po përgatitet për rikthimin e aktivitetit dhe se dita e hapjes mund të mos jetë më larg.
Pas gati pesë vitesh skela, punime dhe pritje, ndoshta edhe ky “instalacion” po i afrohet fundit.
Dhe nëse gjithçka shkon sipas planit, këtë vit instalacioni më jetëgjatë në Galerinë Kombëtare mund t’ua lërë më në fund hapësirën veprave të vërteta të artit.
Post a Comment