Videokënga më e fundit e Jonida Maliqit - "Një orë më shumë"

Kjo është videokënga më e fundit e Jonida Maliqit e cila titullohet "Një orë më shumë". Ne na pëlqen shumë dhe mendojmë se është një prej punëve më të mira që këngëtarja ka publikuar. Kënga është perfekte, videoklipi gjithashtu, por problemi qëndron tek mënyra sesi është xhiruar, e cila është jashtëzakonisht shumë televizive, ndërkohë që ideja dhe interpretimi janë shumë dramatik. Do kishte qënë e udhës, që videoklipi të ish xhiruar bardh e zi, ose me një ton të theksuar blu apo të kuq, në mënyrë që të vihej më në pah performanca e cila falë një kamereje të dobët e humb disi vlerën e saj. Gjithsesi, ne na pëlqen ideja dhe ndryshueshmëria që kohët e fundit artistët tanë po sjellin me videot e tyre duke u bërë sa më krijues dhe të veçantë. Padyshim një prej këngëve më të mira të sezonit!